富士山55 @銅鑼灣
牛介沾麵 (6.5/10)($88)
foodki之前曾經食過係tst 既富士山55，佢係銅鑼灣開左分店一直都無去試。今日終於抽到時間食食佢地期間限定既牛介沾麵。牛介沾麵即係牛雜混合豚骨湯底。湯底食起上黎有啲似食緊港式牛腩湯既感，但多左豚骨湯，混知出黎味道幾特別同濃厚。湯混合左一味粉，有少少辣，foodki幾鍾意呢個湯底。湯底入面仲有牛肚同埋牛腩，真係幾特別！湯底略鹹，重口味之選。
但好可惜，佢地既麵質，可以用垃圾黎形容，又唔彈牙又淋，感覺似煮完，攤埋一邊再翻煮。麵無小麥香，份量過少，失望。糖心蛋都係極一般。整體黎講湯底特別，但其他真係有待改進。
地址：銅鑼灣伊榮街9號欣榮商業大廈地下1號舖
漁場台風(拉麵)=BB ramen>銅鑼灣一蘭>武士>富士山55(TST)=台風>廣島霸嗎=俺之沾麵>神虎>拉麵Jo>周月>漁場台風(沾麵)=豚王>豚骨一休=尖沙咀一蘭=松壱家=三田製麵所>富士山55(銅鑼灣)=醬家>博多一幸舍>隱家>別天神>富山
Search